cantar de mio cid

Firios atierra myo çid el campeador
Biltar se quiere e ondrar aso señor
Quando lo oyo el Rey por nada non tardo
Par sant esidro verdad non sera oy
Caualgad çid si non non auria ded sabor
Saludar nos hemos dalma e de coraçon
Delo que auos pesa ami duele el coraçon
Dios lo mande que por uos se ondre oy la cort
Amen dixo myo çid el campeador
Beso le la mano e despues le saludo
Grado adios quando uos veo señor
Omillom auos e alconde do Remond
E al conde don arrich e a quantos que y son
Dios salue a nuestros amigos e auos mas señor
Mi mugier dona ximena dueña es de pro
Besa uos las manos e mis fijas amas ados
Desto que nos abino que uos pese señor
Respondio el Rey si fago sin salue dios
Pora tolledo el Rey tornada da
Essa noch myo çid taio non quiso passar
Merçed ya Rey si el criador uos salue
Penssad señor de entrar ala çibdad
E yo con los myos posare a san seruan
Las mis compañas esta noche legaran
Terne vigilia en aqueste santo logar
Cras mañana en trare ala çibdad
E yre ala cort en antes de iantar
Dixo el Rey plazme de veluntad

firiós' a tierra mio Çid el Campeador,
biltarse quiere e ondrar a so señor.
Quando lo oyó el rey por nada non tardó,
-Par Sant Esidro, verdad non será oy,
cavalgad, Çid, sinon non avría dend sabor,
saludarnos hemos d'alma e de coraçón,
de lo que a vós pesa a mí duele el coraçón.
Dios lo mande, que por vós se ondre oy la cort.-
-¡Amén!,- dixo mio Çid el Campeador,
besóle la mano e después le saludó,
-Grado a Dios quando vos veo, señor,
omíllom' a vós e al conde don Remond
e al conde don Anrrich e a quantos que í son,
Dios salve a nuestros amigos e a vós más, señor.
Mi mugier doña Ximena, dueña es de pro,
bésavos las manos e mis fijas amas a dos,
d'esto que nos abino que vos pese, señor.-
Respondió el rey, -Sí fago, sín' salve Dios.-
Pora Toledo el rey tornada da,
essa noch mio Çid Tajo non quiso passar,
-Merçed ya rey, sí el Criador vos salve,
pensad, señor, de entrar a la çibdad
e yo con los mios posaré a San Serván.
Las mis compañas esta noche llegarán,
terné vigilia en aqueste santo logar,
cras mañana entraré a la çibdad
e iré a la cort en antes de jantar.-
Dixo el rey, -Plazme de veluntad.-

my Cid the Campeador jumped to the ground,
he wants to humble himself and to honor his lord.
When the king heard it he did not delay for anything,
-By Saint Isidore, it will not be so today,
ride, Cid, if not I will be displeased,
we will greet each other with all our heart and soul,
that which grieves you pains my heart.
May God command it, that because of you the court be honored.-
-Amen!,- said my Cid the Campeador,
he kissed his hand and then his mouth,
-Thanks to God because I see you, Lord,
I bow down to you and to Count don Remond
and to Count don Anrich and to all those who are there,
God save our friends and you more so, Lord.
My wife doña Jimena, she is a fine lady,
she kisses your hands as do my two daughters,
this that befell us may it grieve you, Lord.-
Responded the king, -It is so, so save me God.-
Toward Toledo the king turns,
that night my Cid would not cross the Tajo,
-With your grace, oh King, so save you the Creator,
go ahead, Lord, back into the city
and I with my men will stay in San Servando.
My company will arrive tonight,
I will keep vigil in this holy place,
tomorrow morning I'll enter the city
and I will go to the court before lunch.-
Said the king, -It truly pleases me.-