cantar de mio cid

Miedo an en valençia que non saben quese far
Sonando van sus nueuas alent parte del mar
Alegre era el çid e todas sus compañas
Que dios le aiudara e fiziera esta arrancada
Dauan sus corredores e fazien las tras nochadas
Legan a guiera e legan axatiua
Avn mas ayusso adeyna la casa
Cabo del mar tierra de moros firme la quebranta
Ganaron pena cadiella las exidas e las entradas
Quando el çid campeador ouo peña cadiella
Males pesa en xatiua e dentro en guiera
Non es con Recabdo el dolor de valençia
En tierra de moros prendiendo e ganando
E durmiendo los dias e las noches tranochando
En ganar aquellas villas myo çid duro iij años
Alos de valençia escarmentados los han
Non osan fueras exir nin con el se aiuntar
Taiaua les las huertas e fazia les grand mal
En cada vno destos años myo çid les tolio el pan
Mal se aquexan los de valençia que non sabent ques far
De ninguna part que sea non les venie pan
Nin da cosseio padre a fijo nin fijo a padre
Nin amigo a amigo nos pueden con solar
Mala cueta es señores aver mingua de pan
Fijos e mujieres ver lo murir de fanbre

miedo an en Valençia que non saben qué se far.
Sonando van sus nuevas allent parte del mar.
Alegre era el Çid e todas sus compañas,
que Dios le ajudara e fiziera esta arrancada.
Davan sus corredores e fazién las trasnochadas,
llegan a Gujera e llegan a Xátiva,
aún más ayusso a Denia la casa,
cabo del mar, tierra de moros firme la quebranta,
ganaron Peña Cadiella, las exidas e las entradas.
Quando el Çid Campeador ovo Peña Cadiella,
mal les pesa en Xátiva e dentro en Gujera,
non es con recabdo el dolor de Valençia.
En tierra de moros prendiendo e ganando,
e durmiendo los días e las noches trasnochando,
en ganar aquellas villas mio Çid duró tres años.
A los de Valençia escarmentados los han,
non osan fueras exir nin con él se ajuntar,
tajávales las huertas e fazíales grand mal,
en cada uno d'estos años mio Çid les tollió el pan.
Mal se aquexan los de Valençia, que non sabent qués' far,
de ninguna part que sea non les venié pan,
nin da cossejo padre a fijo nin fijo a padre,
nin amigo a amigo nos' pueden consolar.
Mala cueta es, señores, aver mingua de pan,
fijos e mujieres verlos murir de fanbre.

they are afraid in Valencia so they don't know what to do.
His news spreads to the other side of the sea.
The Cid is happy and all his men,
that God had aided him and he had made this rout.
He sent out his looters and they made their night raids,
they reach Cullera and they reach Játiva,
and even farther down to Denia the town,
along the sea, the Moorish land he totally plunders,
they took Peña Cadiella, the entrances and the exits.
When the Cid Campeador took Peña Cadiella,
it weighs heavily on them in Játiva and within Cullera,
it is beyond measure the distress in Valencia.
In the land of the Moors plundering and conquering,
and sleeping during the day and at night raiding,
to conquer those towns my Cid spent three years.
Those of Valencia they have made them suffer,
they dare not go outside nor confront him,
they razed their orchards and did them great harm,
in each of these years my Cid cut off their bread.
The Valencians complain bitterly, they know not what to do,
from nowhere at all has bread come to them,
nor do fathers help their sons nor sons their fathers,
nor can one friend console another.
It's a terrible thing, gentlemen, to have a lack of bread,
children and wives to see them die of hunger.