cantar de mio cid

Gentes se aiuntaron sobeianas de grandes
Con aquestos dos Reyes que dizen ffariz e galue
Al bueno de myo çid en alcoçer leuan çercar
Fincaron las tiendas e prendend las posadas
Crecen estos virtos ca yentes son sobeianas
Las arobdas que los moros sacan
de dia e de noch en bueltos andan en armas
Muchas son las arobdas e grande es el almofalla
Alos de myo çid ya les tuellen el agua
Mesnadas de myo çid exir querien ala batalla
El que en buen ora nasco firme gelo vedaua
Touieron gela en çerca complidas tres semanas
Acabo de tres semanas la quarta querie entrar
Myo çid con los sos tornos a acordar
El agua nos an vedada exir nos ha el pan
Que nos queramos yr de noch no nos lo consintran
Grandes son los poderes por con ellos lidiar
Dezid me caualleros commo uos plaze de far
Primero fablo minaya vn cauallero de prestar
De castiella la gentil exidos somos aca
Si con moros non lidiaremos no nos daran del pan
Bien somos nos .vi. çientos algunos ay de mas

gentes se ajuntaron sobejanas de grandes,
con aquestos dos reyes que dizen Fáriz e Galve,
al bueno de mio Çid en Alcoçer le van çercar.
Fincaron las tiendas e préndend las posadas,
creçen estos virtos, ca yentes son sobejanas,
las arrobdas que los moros sacan
de día e de noch enbueltos andan en armas,
muchas son las arrobdas e grande es el almofalla.
A los de mio Çid ya les tuellen el agua,
mesnadas de mio Çid exir querién a la batalla,
el que en buen ora nasco firme ge lo vedava,
toviérongela en çerca complidas tres semanas.
A cabo de tres semanas, la quarta querié entrar,
mio Çid con los sos tornós' a acordar,
-El agua nos an vedada, exirnos ha el pan,
que nos queramos ir de noch no nos lo consintrán,
grandes son los poderes por con ellos lidiar,
dezidme, cavalleros, cómmo vos plaze de far.-
Primero fabló Minaya, un cavallero de prestar,
-De Castiella la gentil exidos somos acá,
si con moros non lidiáremos no nos darán del pan.
Bien somos nós seisçientos, algunos ay de más,

massive numbers of people join together,
along with these two kings called Fáriz and Galve,
my Cid the good one at Alcocer they come to besiege.
They pitched the tents and firm up the camp,
the troops keep growing, for the people are a great many,
the scouts that the Moors send out,
day and and night ride enveloped in armor,
many are the scouts and large is the army.
To the Cid's men now they cut off the water,
my Cid's men wanted to go out to battle,
he who was born in a fortunate hour firmly forbade it,
they kept them under siege for three full weeks.
At the end of three weeks, the fourth was about to begin,
my Cid with his men again took counsel,
-They have cut off our water, our bread has run out,
if we try to get out by night they won't allow it,
great are the forces for us to fight them,
tell me, knights, how you prefer to act.-
First spoke Minaya, a most worthy knight,
-From fair Castile we are banished here,
if we do not fight with Moors they will not give us food.
We are at least six hundred men, there are a few more,