norm_txt=Maguer plogo al rey, mucho pesó a Garçí Ordóñez,
-Semeja que en tierra de moros non á bivo omne
quando assí faze a su guisa el Çid Campeador.-
Dixo el rey al conde, -Dexad essa razón,
que en todas guisas mijor me sirve que vós.-
Fablava Minaya í a guisa de varón,
-Merçed vos pide el Çid, si vos cayesse en sabor,
por su mugier doña Ximena e sus fijas amas a dos,
saldrién del monesterio do elle las dexó
e irién pora Valençia al buen Campeador.-
Essora dixo el rey, -Plazme de coraçón,
yo les mandaré dar conducho mientra que por mi tierra fueren,&