paleo_txt=A uuestra guisa prended con uuestra mano
En biar uos quiero a castiella con mandado
Desta batalla que auemos arancada
Al Rey alfonsso que me a ayrado
Quierol enbiar en don .xxx. cauallos
Todos con siellas e muy bien enfrenados
Señas espadas delos arzones colgadas
Dixo mynaya albarfanez esto fare yo de grado
Euades aqui oro e plata vna vesa leña
Que nada nol minguaua
En santa maria de burgos quitedes mill missas
Lo que Romaneçiere daldo a mi mugier e a mis fijas&