paleo_txt=Bien sepa el abbat que buen galardon dello prendra
Tornado es don sancho e fablo albarfanez
Si vieredes yentes venir por connusco yr
Abbat dezildes que prendan el Rastro e piessen de andar
Ca en yermo o en poblado poder nos alcançar
Soltaron las Riendas piessan de andar
Çerca viene el plazo por el Reyno quitar
Vino myo çid iazer a spinaz de can
Otro dia mañana pienssa de caualgar
Grandes yentes sele acoien essa noch de todas partes
Yxiendos ua de tierra el campeador leal
De siniestro sant esteuan vna buena çipdad&