cantar de mio cid

El obispo don iheronimo vistios tan priuado
Ala puerta dela eclegia sediellos sperando
Dioles bendictiones la missa a cantado
Al salir dela ecclegia caualgaron tan priuado
Ala glera de valençia fuera dieron salto
Dios que bien touieron armas el çid e sus vassalos
Tres cauallos cameo el que en buen ora nasco
Myo çid delo que veye mucho era pagado
Los yfantes de carrion bien an caualgado
Tornan se con las dueñas a valençia an entrado
Ricas fueron las bodas en el alcaçar ondrado
E al otro dia fizo myo çid fincar .vij tablados
Antes que entrassen aiantar todos los quebrantaron
Quinze dias conplidos duraron en las bodas
Hya çerca delos .x.v. dias yas van los fijos dalgo
Myo çid don Rodrigo el que en buen ora nasco
Entre palafres e mulas e corredores cauallos
En bestias sines al .C. son mandados
Mantos e pelliçones e otros vestidos largos
Non fueron en cuenta los aueres monedados
Los vassallos de mio çid assi son acordados
Cada vno por si sos dones auien dados
Qui auer quiere prender bien era abastado

El obispo don Jerónimo vistiós' tan privado,
a la puerta de la ecclegia sediéllos sperando,
dioles bendictiones, la missa á cantado.
Al salir de la eclegia cavalgaron tan privado,
a la glera de Valençia fuera dieron salto,
¡Dios, qué bien tovieron armas el Çid e sus vassallos!
Tres cavallos cameó el que en buen ora nasco,
mio Çid de lo que veyé mucho era pagado,
los ifantes de Carrión bien an cavalgado.
Tórnanse con las dueñas, a Valençia an entrado,
ricas fueron las bodas en el alcáçar ondrado,
e al otro día fizo mio Çid fincar siete tablados,
antes que entrassen a jantar todos los quebrantaron.
Quinze días conplidos duraron en las bodas,
ya çerca de los quinze días yas' van los fijosdalgo.
Mio Çid don Rodrigo, el que en buen ora nasco,
entre palafrés e mulas e corredores cavallos,
en bestias sines ál ciento son mandados,
mantos e pelliçones e otros vestidos largos,
non fueron en cuenta los averes monedados.
Los vassallos de mio Çid assí son acordados,
cada uno por sí sos dones avién dados.
Qui aver quiere prender bien era abastado,

The bishop don Jerónimo dressed so quickly,
at the door of the church he was waiting for them,
he gave them blessings, the Mass he has sung.
Upon leaving the church they rode so quickly,
to the flood plain of Valencia they raced out,
God, how well the Cid and his vassals jousted!
He who was born in a fortunate hour switched horses three times,
from what he saw my Cid was very pleased,
the infantes of Carrión have ridden well.
They return with the ladies, they have entered Valencia,
rich were the weddings in the honorable alcazar,
and the next day my Cid had set up seven mock castles,
before they came in to dine they broke them all.
Fifteen full days the weddings lasted,
now near the fifteenth day the noblemen are leaving.
My Cid don Rodrigo, he who was born in a fortunate hour,
between palfreys and mules and chargers,
in animals alone one hundred are given away,
mantles and furs and many other garments,
the riches in coins were beyond count.
The vassals of my Cid are in such agreement,
each one on his own his gifts had given.
Whoever wants to take riches was well supplied,