cantar de mio cid

A vna quadra ele los aparto
Oyd me mynaya e vos per vermuez
Siruem myo çid el campeador el lo mereçe
E de mi abra perdon viniessem a vistas si ouiesse dent sabor
Otros mandados ha en esta mi cort
Diego e ferrando los yffantes de carrion
Sabor han de casar con sus fijas amas ados
Sed buenos menssageros e Ruego uos lo yo
Que gelo digades albuen campeador
Abra y ondra e creçra en onor
Por conssagrar con los yffantes de carrion
Fablo mynaya e plogo a per vermuez
Rogar gelo emos lo que dezides uos
Despues faga el çid lo que ouiere sabor
Dezid a Ruy diaz el que en buen ora nasco
Quel yre a vistas do fuere aguisado
Do el dixiere y sea el moion
Andar le quiero a myo çid en toda pro
Despidiensse al Rey con esto tornados son
Van pora valençia ellos e todos los sos
Quando lo sopo el buen campeador
Apriessa caualga areçebir los salio
Sonrrisos myo çid e bien los abraço
Venides mynaya e vos pero vermuez
En pocas tierras a tales dos varones
Commo son las saludes de alfonsso myo señor

a una quadra ele los apartó,
-Oídme, Minaya, e vós, Per Vermúez,
sirvem' mio Çid el Campeador, él lo mereçe
e de mí abrá perdón, viniéssem' a vistas si oviesse dent sabor.
Otros mandados ha en esta mi cort,
Diego e Ferrando, los ifantes de Carrión,
sabor han de casar con sus fijas amas a dos.
Sed buenos mensageros e ruégovoslo yo
que ge lo digades al buen Campeador,
abrá í ondra e creçrá en onor
por consagrar con los ifantes de Carrión.-
Fabló Minaya e plogo a Per Vermúez,
-Rogárgelo emos lo que dezides vós,
después faga el Çid lo que oviere sabor.-
-Dezid a Ruy Díaz, el que en buen ora nasco,
que l'iré a vistas do fuere aguisado,
do él dixiere, í sea el mojón,
andarle quiero a mio Çid en toda pro.-
Espidiénse al rey, con esto tornados son,
van pora Valençia ellos e todos los sos.
Quando lo sopo el buen Campeador,
apriessa cavalga, a reçebirlos salió,
sonrisós' mio Çid e bien los abraçó,
-Venides Minaya, e vos, Pero Vermúez,
en pocas tierras á tales dos varones.
¿Cómmo son las saludes de Alfonso mio señor?,

he took them aside into a room,
-Listen to me, Minaya, and you, Pedro Bermúdez,
my Cid the Campeador serves me, he deserves it
he will have my pardon, let him meet with me if it were to his liking.
There are other messages in this my court,
Diego and Fernando, the infantes of Carrión,
have a desire to marry his two daughters.
Be good messengers and I ask it of you
that you tell it to the good Campeador,
he will have honor there and he will grow in wealth
from a relationship with the infantes of Carrión.-
Minaya spoke and it pleased Pedro Bermúdez,
-We will ask of him what you say,
after that let the Cid do as he pleases.-
-Tell Ruy Díaz, he who was born in a fortunate hour,
that I will meet with him wherever is most appropriate,
wherever he says so, there be the marker,
I want to act always in my Cid's favor.-
They said goodbye to the king, at this they have started back,
towards Valencia they go and all their men.
When the good Campeador heard it,
he quickly rides, he came out to welcome them,
my Cid smiled and embraced them warmly,
-You've come Minaya, and you, Pedro Bermúdez,
in few lands are there two such men.
What greetings are there from Alfonso my lord?