Warning: Undefined variable $h_x in /home/miocid/public_html/main/inc/boff.inc on line 83

Warning: Undefined variable $w_x in /home/miocid/public_html/main/inc/boff.inc on line 84

Warning: Undefined variable $h_z in /home/miocid/public_html/main/inc/boff.inc on line 86

Warning: Undefined variable $w_z in /home/miocid/public_html/main/inc/boff.inc on line 87
cantar de mio cid

Si uos quisieredes minaya quiero saber recabdo
Delos que son aqui e comigo ganaron algo
Meter los he en escripto e todos sean contados
Que si algunos furtare o menos le fallaren el auer me aura atornar
Aquestos myos vassalos que curian a valençia e andan a robdando
Ali dixo minaya conseio es aguisado
Mando los venir ala corth e a todos los iuntar
Quando los fallo por cuenta fizo los nonbrar
Tres mill e seys çientos auie myo çid el de biuar
Alegras le el coraçon e tornos asonrrisar
Grado a dios mynaya e a santa maria madre
Con mas pocos yxiemos de la casa de biuar
Agora auemos riqueza mas auremos adelant
Si auos ploguiere minaya e non uos caya en pesar
En biar uos quiero a castiella do auemos heredades
Al Rey alfonsso myo señor natural
Destas mis ganançias que auemos fechas aca
Dar le quiero .C. cauallos e uos yd gelos leuar
Desi por mi besalde la mano efirme gelo Rogad
Por mi mugier e mis fijas si fuere su merçed
Quemlas dexe sacar
En biare por ellas e uos sabed el mensage
La mugier de myo çid e sus fijas las yffantes
De guisa yran por ellas que agrand ondra vernan
Aestas tierras estranas que nos pudiemos ganar
Essora dixo minaya de buena voluntad

-Si vós quisiéredes, Minaya, quiero saber recabdo
de los que son aquí e comigo ganaron algo,
meterlos he en escripto e todos sean contados,
que si algunos' furtare o menos le fallaren, el aver me avrá a tornar
a aquestos mios vassallos, que curian a Valençia e andan arrobdando.-
Allí dixo Minaya, -Consejo es aguisado.-
Mandólos venir a la cort e a todos los juntar,
quando los falló, por cuenta fízolos nonbrar,
tres mill e seisçientos avié mio Çid el de Bivar,
alégras'le el coraçón e tornós' a sonrisar,
-Grado a Dios, Minaya, e a Santa María madre,
con más pocos ixiemos de la casa de Bivar,
agora avemos riqueza, más avremos adelant.
Si a vós ploguiere, Minaya, e non vos caya en pesar,
enbiarvos quiero a Castiella, do avemos heredades,
al rey Alfonso, mio señor natural,
d'estas mis ganançias que avemos fechas acá,
darle quiero ciento cavallos e vós ídgelos levar.
Desí por mí besalde la mano e firme ge lo rogad
por mi mugier e mis fijas, si fuere su merçed,
quem' las dexe sacar.
Enbiaré por ellas e vós sabed el mensage,
la mugier de mio Çid e sus fijas las ifantes,
de guisa irán por ellas que a grand ondra vernán
a estas tierras estrañas que nós pudiemos ganar.-
Essora dixo Minaya, -De buena voluntad.-

-If you would like, Minaya, I want to know the number
of those who are here and with me gained riches,
I will put them in writing and let all of them be counted,
that if one of them flees or is found missing, he'll have to return the money
to these my vassals, who protect Valencia and ride on patrol.-
There Minaya said, -It's a prudent plan.-
He ordered them to come to the palace and to have them assemble,
when he found them there, he had them counted and recorded,
three thousand and six hundred men had my Cid of Vivar,
his heart was pleased and he smiled again,
-Thanks to God, Minaya, and Holy Mary mother,
with far fewer we left our home in Vivar,
now we have riches, we'll have more later.
If it please you, Minaya, and don't let it weigh on you,
I want to send you to Castile, where we have properties,
to King Alfonso, my natural lord,
of these my riches that we have gained here,
I want to give him one hundred horses and you take them to him.
Then for me kiss his hand and entreat him firmly
for my wife and my daughters, if he be so gracious,
to let me bring them out.
I will send for them and you learn the message,
the wife of my Cid and his daughters the infantes,
so will they go for them that they will come with great honor
to these foreign lands that we were able to win.-
Then said Minaya, -Most willingly.-
commentary: vv. 1236-1269  
Subscribe to iTunes podcast